قرآن کریم کی پناہ میں مایوسی، ناکامی اور فرسودگی کا تصور نہیں: صدرِ ایران

اہل بیت(ع) نیوز ایجنسی۔ابنا۔ صدر ایران سید ابراہیم رئیسی نےانتالیسویں بین الاقوامی قرآنی مقابلوں کی اختتامی تقریب سے خطاب کرتے ہوئے کہا کہ ہماری عزت طاقت اور ایکتا کا راز قرآنی تعلیمات پر توجہ میں مضمر ہیں اور اگر سبھی کتاب خدا قرآن کریم کی پناہ میں آ جائیں تو پھر مایوسی، ناکامی اور فرسودگی کا سوال ہی پیدا نہیں ہوتا۔

صدرِ ایران نے قرآن کریم اور نبی کریم (ص) کی ذات کو ہر دور اور پوری بشریت کے لئے باعث ہدایت و نورانیت اور بشریت پر اللہ کا احسان قرار دیا تاہم یہ بھی کہا قرآن سے صرف پرہیزگار ہی فائدہ اٹھا پاتے ہیں۔

سید ابراہیم رئیسی نے کہا کہ دشمنان اسلام اپنی ناکامی و ناتوانی کی بنا پر قرآن پاک کی اہانت کرتے ہیں اور یہ انکی بے بسی کی انتہا کا منھ بولتا ثبوت ہے۔ انہوں نے یہ بات زور دے کر کہی کہ قرآن کریم کی منشأ ایسے معاشرے کی تشکیل ہے جو نہ تو کسی پر ظلم کرتا ہو اور نہ ظلم کے سامنے جھکتا ہو۔

۔۔۔۔۔۔۔۔۔۔۔۔۔

242